السلام بنات اجي نعاد ليكم قصاي مع شعري
انا في بداية رمضان سافرت عند خالتي لخريبكة ومع فيا الفزة جريت بنت خالتي لعند كوافورة بغيت على سعدي ووعدي نقطع شعري هههه اشمن شعر بعدا جوج زغيبات اصلا كان كيطيح وكيتقصف بلا منهدرو على البهات ديالو والقشرة اللائحة طويل كاع العيوب فيا الموهيم ديك الكوافورة ماخلات من جهدها مسكينة جبد جبد حتا ريشاتني قاليك لالة زينة وزادها نور الحمام بقا فيا الحال بززاف وهي تنطق قالت لي وا شعر تالف بالمعقول وكيطيح بلا قياس قالتي مكتجربيش الوصفات قلت ليها ماخليت مجربت سمحولي طولت عليكم قالتلي جربتي الشقوق الشgوg بالدارجة قلت ليها اشنو هادو قالتلي سيري عند العطار يعطيهم ليك قالتلي كاع بنات خريبكة مخطاوهم وهي تنطق بنت خالتي قالت لي ايييه بالحق نسيت منقولييك راه صاحبتي كانت تتديرهم وشعرها دابا فينك يا طول فينك يا قوة فينك يا لمعان ورطب قولتليها اش كنتسناو يلاه مشينا عند واحد العطرة معرفة بنت خالتي قالتلو عافاك الشقوق وهي عبارة عن مجموعة من الاعشاب الطبيعية المفيدادة للشعر الريحان السدر الزاز الورد الحرمل شوية ديال تكوت الحاطول بززاف دالعشاب وزادلي رمانة كارمة قالي
نخلطهم مع الزيت الزيتون وشوية دالقطران اهه نسيت ماقلت ليكم راه 20 درهم كافية ولكن خاص ايكون شي عطار معرفة او سمعة مزيان لايعطيكم عشوب قدام وغايقدوك شي عام تقريبا المهم انا بديتهم من اول رمضان وانا كنكتب ليكم راه دايراهم هادي ثالت مرة نديرهم صراحة وبلا كذوب الشعر ولا رطب وقلال التساقط والطول منعاودش ليكم يلاه بديتها وشعري بدا كيزيد الحمد لله
0 لا يوجد تعليق "وصفة لشعر طويل سر من اسراري"
Enregistrer un commentaire