مقادير العجين:
نصف كيلو دقيق
4 معالق كبار زيت
معلقة كبيرة خميرة
1خميرة الحلوة
معلقة كبيرة نيدو
كاس دانون مسوس
شوية الملح
معلقة كبيرة سنيدة
طريقة التحضير:
نخلط المقادير مع بعضها بالماء الدافئ وتكون بحال عجينة الخبز ندلكها مزيان ونخلوها تخمر
نشحر بصلة كبيرة مع زيت بلدية
تم نضيف ليها الفلفلات حلوين (حمرا+خضرا+صفرا) مقطعة مربعات صغار
ونضيف الملح ونخليهم يطيبو
من بعد نضيف معدنوس مقطع والابزار ونطفي العافية
نزيد عليهم الطون مصفي من الزيت 2 علب نخلطهم مزيان ونخليهم يبردو
ندلك العجينة ديال الفطائر على شكل مربع كبيرو ندهن بالمايونيز
ندير الحشوة في الوسط وننطويها وندير فوقها فرماج سندويش
ونسد الجهة التانية نقطعها مستطيلات بجرارة البيتزا
نحط الفطائر فطاوة مدهونة بالزيت نخليو الفطائر بالطون والفرماج يخمرو شوية
ندهنهم بالبيض
ونرش بالزنجلان وندخل الفطائر للفران مسخن مزيان
ها هما الفطائر محشيين بالطون والفرماج واجدين
0 لا يوجد تعليق "اجي شوف : فطائر رمضان معمرين بالطون والفروماج بالصور"
Enregistrer un commentaire