اليوم أحبيباتي جبت ليكم واحد الوصفة للغلض بلا حلبة وأنا زدت فيها الزنجلان باش نستافد من الفوائد ديالوا باش نشد فصحتي.
الطريقة و المكونات :
كيلوا كركاع مطحون ( الجوز، عين الجمل )
باكية ديال سريلاك ديال الأطفال 250g .
تخلطيهم وتحطيهم فشي بواطة وكل يوم خلطي المقدار اللي بغيتي بالماء الدافئ وكوليه بالصحة والراحة مرة واحدة في اليوم أو مرتان وهي مفيدة للعقل لما للكركاع من فوائد .
بما أن الكركاع غالي هذه الأيام شريت غي عشرين درهم وطحنتوا زدت عليه رابعة ديال الزنجلان محمر ومطحون ومعلقة كبيرة سكر كلاصي (إختياري ) لأن سريلاك حلو والزنجلان غادي ينقص من الحلاوة ، جاني زوين حيت مكنبغيش لحلاوة بزاف . وأهم حاجة فهذه الوصفة خلطتو بالماء ديال الشعير محمر ومطحون راه صحي بزاف كيفتح لون البشرة وكينقي المصارن وكيطرد الغازات.
خديت جوج معالق شعير وكبيت عليهم الماء غليان وخليتو فوق النار 5 دقائق وصفيتوا وهذاك الماء خلطت بيه الخليط ، القياس عيني ميزاني .و كولي بالصحة و الراحة و تهلاي ليا فراسك.
.
ملاحظة : هاد المكونات راهم صحيين و إلا كانت كتجيك السخفة غتعاونك حتى باش تشدي صحيحتك و متبقايش مهلوكة.
و ممكن ديروها حتى الوليدات راها صحية ليهم.
ملاحظة : هاد المكونات راهم صحيين و إلا كانت كتجيك السخفة غتعاونك حتى باش تشدي صحيحتك و متبقايش مهلوكة.
و ممكن ديروها حتى الوليدات راها صحية ليهم.
0 لا يوجد تعليق "وصفة للغلض سريعة و بلا حلبة"
Enregistrer un commentaire