الماسك الصحراوي لتبييض الجسم والوجه والمنطقة الحساسة

طريقة عمل الماسك الصحراوي لتبييض الجسم والوجه والمنطقة الحساسة كتفيضي الحليب وحدو وتحيديه من فوق العافية وكتزيدي عليه الصابونة من بعد ما حكيتيها في الحكاكة وكتخلطي مزيآآن ثم كتضيفي ماء الورد والغاسول الابيض وكتحركيهم مزيان يمكن ليك ديريهم في مولينكس باش ينساجمو من بعد ملي يبرد كديريه في شي بواطة كتسد وكديريه في الثلاجة غادي تلاحظي انو كيبان سائل ولكن النهار التالي غادا تلاحظيه ولا بحال الكريم نجيو دابا لطريقة استعمال الماسك الصحراوي لتبييض الجسم والوجه والمنطقة الحساسة بالنسبة للجسم : كناخدو الكمية اللي غادي نستعملو تقريبا 2 او 3معالق من الخليط ونرجعو البواطة مباشرة للثلاجة باش تبقا عندا مدة طويلة وما تخسرش المهم نشدو هاد الكريما ونزيدوها ماء الاوكسجين نمرة6 غي القياس تقريبا نصف ملعقة صغيرة واذا خفتو منو ممكن تستغناو عليه كتخلطي هاد الخليط وكتدهني لحمك كآآآآمل باستتناء المنطقة الحساسة والوجه لانو فيها الماء ديال الاوكسجين من الاحسن نبعدوهم عليهم اما اذا ما كنتوش عاملينو كتدهنو بيه كلشي الجسم وكتخلوه مدة 3سوايع على الاقل او بالليل ومع الصباح تدوشي كتديري الوصفة يوميا على الاقل واحد الاسبوع ومن بعد وقتما رشق ليك كتديريه اما 2 او 3مرات في الاسبوع لانو كيبقا عندك بزاف الخليط بالنسبة للمنطقة الحساسة : كما قلت كتستعملي الوصفة دون اضافة الاوكسجين وراه غتبهري بالنتيجة كديريها بالليل وفي الصباح غسلي عادي بالصابون الخاص او الخزامى مع الماء سخون (كديريها في ماء طايب وتخليها تطلق فيه بما دفا شويا وكتصفيه وكتسنجاي بيه) وبطيبيعة الحال ضرووووووري تبقاي تمسحي المنطقة بفوطة كلما غسلتي باش ما تبقاش فيها الرطوبة بالنسبة للوجه كتعملي الوصفة وبطيبعة الحال بلا اوكسجين وكتخليها حتى تنشف وكتغسلي وجهك اذا كان وجهك جاف استعملي موراها الكريم المرطب الخاص بيك استعملي الوصفة على وجهك 2 حتى 3 مرات بالاسبوع نتمنى تجربوها وغادي تلاحضو الفرق ملاحظة هامة : ما تخلطيش الاكسجين مع الخلطة مباشرة حتى تبغي تستعمل الوصفة عاد ديريه

شاركه :

Tweet

✚

إخترنا لكم